Font Size:     

Whakarāpopoto Kōrero
Mai i te tekau tau 1970, kua whakahirahira haere te Tiriti
o Waitangi, he mea haina e te Karauna me ngā rangatira
Māori i te tau 1840, nā te mea, e kīia nei ko te take tēnei
o te hononga o ngā iwi Māori ki te Karauna, arā, ki te
kāwanatanga o Niu Tīreni nei.1 He ariā nui nō te Tiriti
te kupu rangatiratanga, e mōhio whānuitia ana e ngā
tāngata o tēnei motu, ahakoa he tikanga kē pea ki tēnā
tangata, ki tēnā tangata (Macalister, 2008: 85). Ko te
kaupapa o tēnei pepa he wānanga i pēhea te whanake
mai o taua kupu i roto i te tekau mā iwa o ngā rautau.
Mā ngā niupepa reo-Māori, me ērā atu momo tuhinga o
taua wā, ka āta tirohia ngā kōrero a ngā mihingare me
ngā āpiha kāwanatanga i meatia ai te rangatiranga, me
te whakamahi a te Māori i taua kupu. Ka whakaaturia e
te tuhituhinga nei, ahakoa i whakapā ngā tini tikanga o te
rangatiratanga ki te āhuatanga o te mana, he nui kē pea
ngā horopaki i whakamahia ai taua kupu.